Barak Obama AQSh musylmandaryna qoldaý kórsetý úshin meshitke barady
ASTANA. QazAqparat - Sársenbi kúni AQSh Prezıdenti Barak Obama qoǵamda ıslamǵa qarsy shyǵýdyń kúsheıýi kezeńinde musylmandarǵa qoldaý kórsetý úshin Baltımordaǵy meshitke barmaq, dep habarlaıdy Aq úı.
Sapar kezinde Obama Baltımordaǵy Islam qoǵamynyń kóshbasshylarymen kelissózder ótkizýdi josparlap otyr.
Buǵan deıin AQSh prezıdentin Respýblıkalyq partııanyń atynan úmitker bolǵan Donald Tramp musylmandardyń AQSh-qa kirýin tolyqtaı toqtatýǵa shaqyrdy. Mıllıarderdiń aıtýynsha, musylmandar Amerıkany jek kóredi jáne ultqa zııan tıgizýi múmkin, dep jazady Bı-bı-sı.
