Baraholkadaǵy órtten bir adamdy kúıik shaldy

Bul týraly qalalyq TJD resmı ókili Sandýǵash Baımuhambetova aıtty. 

«22 jastaǵy er adam jedel járdem kóligimen oblystyq aýrýhanaǵa jetkizildi», - dedi S.Baımuhambetova.

Onyń málimdeýinshe, Alataý aýdany «Soltústik aınalma joly, 8» mekenjaıyndaǵy órt týraly habarlama tańǵy 8:35-te túsken bolatyn.

Oqıǵa ornyna jetken órt sóndirýshiler 09:06-da tilsiz jaýdy aýyzdyqtap úlgerdi. Sonyń arqasynda japsarlas ornalasqan býtıkterdi jalyn sharpyǵan joq.

Tilsiz jaý eki konteınerdegi turmystyq zattardy jaramsyz etip, 60 sharshy metr aýmaqty sharpyǵan.