«Baraholkadaǵy» órt: Qoımalarda tez janatyn qurylys materıaldary bar
ALMATY. QazAqparat – «Baraholkadaǵy» qoımalarda tez janatyn taýarlar bar. Bul týraly jeke kásipker Janat Álmaǵambetov aıtyp berdi, dep habarlaıdy QazAqparat tilshisi.
«Men jumys ornyma juma namazdan keıin, saǵat 14:00-de keldim. Sol kezde «Mızam» bazarynyń qoımasynan shyqqan órtti kórdim. Kórshilerime kómektesý úshin áriptesterime, balalaryma telefon soǵyp, osy qoımalardy bosatyp aldym. Munda negizinen dúngender jumys isteıdi. Olarǵa taýarlardy shyǵarýǵa kómektestik. Biz taýarlardyń az ǵana bóligin shyǵaryp aldyq, sebebi olar aýyr boldy. Munda tez janatyn qurylys materıaldary, shınalar, sómkeler bar. Órttiń shyqqan sebebin bilmeımin. Bizge áli habarlaǵan joq», - dedi kásipkerlerdiń biri Janat Álmaǵambetov.
Esterińizge sala keteıik, Almatyda «baraholka» janyp jatyr. Órtti sóndirýge tikushaqtar jumyldyrylyp, órt áýeden sóndirilip jatyr.