«Baraholka» boıyndaǵy jabaıy saýdaǵa baqylaý kúsheıtiledi

ALMATY. KAZINFORM – Baraholka mańyndaǵy Soltústik aınalma jol boıynda beıbereket saýda jasaý máselesi áli de ózekti. Bul týraly óńirlik kommýnıkatsııalar qyzmetinde ótken baspasóz máslıhatynda Jetisý aýdanynyń ákimi Lázzat Jylqybaeva málim etti. 

Spıkerdiń sózinshe, «Baraholka» boıyndaǵy jabaıy saýdaǵa baqylaý kúsheıtiledi. 

– Sáýir men mamyr aılarynda biz reıd jumystaryn kúsheıttik. Biraq ózderińiz kórip otyrǵandaı, kún jylynyp edi saýdagerler qaıta shyǵa bastady. Biz bul baǵytta jumysty jalǵastyramyz, polıtsııa departamentimen birlesip reıdter uıymdastyramyz, tıisti sharalar qabyldanady, - dedi Jetisý aýdanynyń ákimi. 

Onyń aıtýynsha, jabaıy saýdamen kúresý úshin qosymsha sharalar qarastyrylyp jatyr.

– Qazir birqatar shara pysyqtalyp jatyr. Buryn ákimshilik quqyqbuzýshylyq týraly hattamalardy tek polıtsııa qyzmetkerleri ǵana toltyra alatyn. Qazir osy ókilettikti aýdan ákimdiginiń mamandaryna da berý múmkindigi qaralý ústinde. ıAǵnı, naqty saýda oryndary anyqtalsa, basqa memlekettik organdardyń kómegin kútpeı-aq, ózimiz baryp, hattama toltyra alatyn bolamyz. Bul másele ázirge talqylanyp jatyr, - dep túsindirdi Lıazzat Jylqybaeva. 

Osyǵan deıin «ıAlıan», «Alataý», «Sálem» jáne «Baısat» bazary boıyndaǵy jabaıy saýda núkteleri joıylǵany týraly jazǵanbyz. 

Sondaı-aq Almatyda iri saýda bazarlary jańartylyp jatyr.