«Baraholka» boıyndaǵy 100-den astam jabaıy saýda núktesi joıyldy
ALMATY. KAZINFORM — Almatyda iri bazarlar mańyndaǵy jabaıy saýdamen kúres áli jalǵasyp jatyr.
Almaty ákimdiginiń málimetinshe, «ıAlıan», «Alataý», «Sálem» jáne «Baısat» bazary boıyndaǵy jabaıy saýda núkteleri joıyldy.
Naýqan Almaty ákimi Erbolat Dosaevtyń tapsyrmasy boıynsha «Taza Qazaqstan» jalpy respýblıkalyq baǵdarlamasy jáne «Almaty — bizdiń ortaq úıimiz» qalalyq bastamasy aıasynda júzege asyrylyp jatyr.
— Júrgizilgen reıdterdiń nátıjesinde 100-den astam stıhııalyq saýda núkteleri joıyldy. Munda aýylsharýashylyq jáne ónerkásiptik ónimder ruqsat qujattarynsyz, antısanıtarııalyq jaǵdaıda jáne abattandyrý erejelerin óreskel buza otyryp satyldy. QR Ákimshilik quqyq buzýshylyq týraly kodeksiniń 204-baby «Belgilenbegen oryndardaǵy saýda» jáne 505-baby «Abattandyrý erejeleri» boıynsha 42 ákimshilik hattama jasaldy, sondaı-aq 70 tekshe metr astam qoqys shyǵaryldy, — delingen habarlamada.
Qalalyq ákimdikten atap ótkendeı, stıhııalyq saýda faktilerin anyqtaý jáne joıý, sondaı-aq zańsyz ornatylǵan saýda obektilerin bólshekteý jónindegi aýqymdy aktsııa 15 sáýirde bastalyp, 2025 jyldyń 1 mamyryna deıin jalǵasatyn bolady.
Osyǵan deıin Almatyda iri saýda bazarlary jańartylatyny týraly jazǵanbyz.
Eske salaıyq, buǵan deıin «Altyn Orda», «Barlyq» bazarlary ózgertiletini týraly jazǵan edik.
Budan bólek, buzylatyn alty bazardyń ornyna ne salynatyny belgili bolǵan. Jalpy Almatyda 59 bazar bar. Onyń 41-i jańartyldy.