«Baraholka» bazary órtendi

ALMATY. QazAqparat - Almatydaǵy «Baraholka» bazarynan órt shyqty. Onyń vıdeosy áleýmettik jelide tarady, dep habarlaıdy QazAqparat tilshisi.

Almaty qalalyq Tótenshe jaǵdaılar departametiniń málimetinshe, 29 sáýir kúni tańǵy saǵat 09:25 órt sóndirýshiler Jetisý aýdany, Soltústik aınalma tas joly 116, «Kenjehan-1» bazary meken-jaıy boıynsha shaqyrtýǵa shyqty.

«Órt sóndirýshiler oqıǵa ornyna 6 mınýtta keldi. Olar birneshe konteınerdiń otqa oraǵanyn anyqtady. Ottyń japsarlas konteınerlerge taralý qaýpi týyndady. Dereý órt oqpandary berilip, avtotsısternalar gıdranttarǵa ornatyldy. Qabyldanǵan sharalardyń arqasynda órt 9 mınýt ishinde sóndirildi»,- dep habarlady vedomstvadan.

Órtti sóndirýge 40 adam men 10 birlik tehnıka jumyldyryldy.