Baraev ortalyǵynda 3 myń gektarlyq egistik polıgony qurylady
ASTANA. QazAqparat - A.Baraev atyndaǵy astyq sharýashylyǵy ǵylymı óndiristik ortalyǵy eginshilik tehnologııalaryn keń aýqymdy kóbeıtip, bıdaıdyń úzdik otandyq sorttarynyń áleýetin kórsetý úshin 3 myń gektarlyq arnaıy polıgon quryp jatyr. Bul týraly OKQ-da ótken baspasóz máslıhatynda atalmysh ortalyqtyń bas dırektory Kenje Abdýllaev málim etti, dep habarlaıdy QazAqparat tilshisi.
Kenje Abdýllaevtyń QR Aýyl sharýashylyǵy mınıstrligi strategııalyq mańyzdy memlekettik máselelerdi sheshý úshin 2018-2020 jyldarǵa arnalǵan qoldanbaly ǵylymı zertteýlerdi júrgizýge baǵdarlamalyq-maqsatty qarjylandyrýdy bólýde konkýrs júrip jatqanyn aıtty. Olardyń biri - A.Baraev atyndaǵy ASǴÓO negizinde aýdany 3 myń gektar eginshilik polıgonyn qurý bolyp tabylady. Jobanyń maqsaty - Aqmola oblysynda naqty eginshilikti damytý boıynsha aýyl sharýashylyq daqyldaryn óndirý kezinde agrotsenozdy basqarý jáne monıtorıng negizinde naqty eginshilik tehnologııalaryn beıimdeý bolyp tabylady.
«Ortalyqtyń ózinde ónimdi eki ese arttyrý jóninde Elbasynyń tapsyrmasy boıynsha polıgon qurylýda. Ol polıgonnyń ózi 3 myń gektardan turady. Burynǵy zertteýler shaǵyn ǵana aýmaqta bolsa, bul joly talapqa baılanysty naqtyly tehnologııa boıynsha jumys júrgizip jatyrmyz. Sol naqty tehnologııanyń arqasynda aýyl sharýashylyǵynyń ónimdiligin arttyrý, shyǵyndy azaıtý turysynan soltústiktegi úsh oblysqa 15 mln gektar jerge jańa tehnologııalar qoldanylady. Aıta keterligi, tyń tehnologııalardyń ózi burynǵymen salystyrǵanda ónimdilikti arttyrady», - dedi Kenje Abdýllaev.
Jobany oryndaý barysynda naqty eginshilik polıgonynyń negizinde zertteýlerdi ázirleý, naqty eginshilik tehnologııalaryn keń aýqymdy kóbeıtý, aýyl sharýashylyq óndirisiniń naqty eginshilik júıesine kóshirý, aýyl sharýashylyq daqyldaryn ósirýdiń tehnologııalyq kartalaryn jetildirý kózdelgen.
