Baraev atyndaǵy ǴÓO-nyń astyq tuqymdaryna suranys joǵary
KÓKShETAÝ. QazAqparat - Aqmola oblysynyń ákimi Shortandy aýdanynda kóktemgi dala jumystarynyń barysymen tanysty, dep habarlaıdy «QazAqparat» HAA tilshisi.
Sapar barysynda aımaq basshysy Málik Myrzalın A.Baraev atyndaǵy ǵylymı-óndiristik ortalyqta astyqtyń jańa tuqymdaryn daıyndaý jumystaryna nazar aýdardy.
«Ǵylymı-zertteý jəne təjirıbe jumystaryn júrgizý úshin bazalyq ınfraqurylym talapqa saı qalyptasqan»,-dep atap ótti ortalyq basshysy Jeksenbaı Qasqarbaev.
«Bıdaı jəne maıly daqyldardyń, kópjyldyq ekpe shópterdiń əldeneshe túrlerin býdandastyra otyryp, túsimi mol jańa sorttardy daıyndaý ústindemiz. Mundaı ǵylymı qýaty jańa sorttardy daıyndaýǵa tolyq jetetin ortalyq elimizde bireý ǵana. Bizdiń dıqandarymyz «Aqmola 2» jəne «Astana» tərizdi bıdaı sorttaryn joǵary baǵalaıdy. Bul sorttardyń kez kelgen jyldary qamyrlylyǵy óte joǵary bolady. Sonymen birge, «Shortandy jetildirilgen 95» tuqymy da, arpanyń «Astana 2000» jəne «Tselınnyı 2005», kúnbaǵystyń «Sochınskıı» tuqymdary təýir baǵalanyp júr. Ǵylymı ortalyqtyń negizgi tutynýshylary Aqmola, Qaraǵandy, Qostanaı, Pavlodar, Soltústik Qazaqstan, Shyǵys Qazaqstan jəne Batys Qazaqstan oblystary.
«Elbasynyń tapsyrmasyna oraı, oblystaǵy aýyl sharýashylyǵy sektoryn odan əri damytý negizgi mindetterdiń biri. Ol úshin ǵylymnyń bar qýatyn paıdalana otyryp, ónim kólemin arttyrý qajet», - dedi Məlik Myrzalın.
«Jańa zamanda ǵylym men óndiristi tyǵyz baılanystyryp, aýyl sharýashylyǵynyń damýyna berik negiz qalanýy qajet. Jańa tehnologııalar men ozyq təjirıbelerdi ıgerip, aýyl sharýashylyǵy taýarlarynyń sapasyn arttyryp, sanyn da kóbeıtýge əri ol jolda dıqandardyń múmkindiginshe az shyǵynmen jumys isteýine qol jetkizýimiz qajet».
Óńir basshysy ǵalymdarǵa ərbir aýdan úshin jeke-jeke, kóktemgi egistiń ózindik erekshelikterin, tabıǵatynyń, topyraq qunarynyń ərtúrli ekendigin eskere otyryp, arnaıy baǵdarlama daıyndaýdy tapsyrdy.
«Petrovskıı» aktsıonerlik qoǵamynyń egis alqaptarynda aýyl sharýashylyǵy qurylymdarynyń jetekshilerimen kezdesken sətinde Məlik Keńesbaıuly tuqym, tehnıka, mehanızatorlardyń ortasha eńbekaqysy týraly surap bildi. Atalmysh aktsıonerlik qoǵam mamyr aıynyń 28-ine deıin negizgi daqyl - bıdaıdy seýip bitirmek. Egis naýqanyna joǵary ónimdi «HORSCH» fırmasynyń egis keshenderi qatystyrylýda. «Nur Astyq», «Novokýbanskıı» jaýapkershiligi shekteýli seriktestikteriniń jetekshileri óz sharýashylyqtaryndaǵy mashına-traktor parkiniń daıyndyǵy, janar-jaǵarmaı qory, agrotehnıkalyq talaptardy qatań saqtaý məseleleri týraly jaǵdaıdy baıandap berdi.
Sonymen qatar, oblys ákimi Shortandy selosyndaǵy kóshelerdiń sanıtarlyq tazalyǵy men kógaldandyrý jaıyna kóńil bóldi.
