«Baqytty bala» konkýrsynyń jeńimpazdaryna 1 mln teńgeden berildi
AQTÓBE. QazAqparat - Aqtóbede «Baqytty bala» vokaldyq konkýrsynyń jeńimpazdary anyqtaldy, dep habarlaıdy QazAqparat tilshisi.
Bas júlde eki ónerpazǵa buıyrdy. Olar Reseıdiń Tıýmen qalasynan kelgen Islam Balkoev pen Nur - Sultan qalasynyń qatysýshysy Aıgerim Tileýbek. Olardyń árqaısysyna 1 mıllıon teńgeden syı berildi.
«Balalar keremet óner kórsetti. Sondyqtan biz qaısysyn tańdarymyzdy bilmeı, qınaldyq», - dedi ádilqazy múshesi Aıda Nıkolaıchýk.
ІІІ-oryndy almatylyq Qaraqat Bashanova men qostanaılyq Isataı Bolathan,
ІІ-oryndy ýkraınalyq Darına Galıtskaıa men aqtóbelik Ańsar Júsip, І-oryndy
Reseıdiń Týla qalasynan kelgen Marııa Panıýkova men almatylyq Nurlybek Saparbaı
ıelendi. Úshinshi orynǵa 100 myń teńge, ekinshi orynǵa 150 myń teńge, birinshi
orynǵa 250 myń teńgeniń sertıfıkaty berildi.
Aıta keteıik, jeńimpaz Aıgerim Tileýbek Dımashtyń bir kontsertinde án shyrqaıtyn
boldy.
Dımash Qudaıbergen gala kontsertte «Umytylmas kún» ánin oryndady.
