«Baqytty Bala» halyqaralyq festıvali: Qatysýshylar Dımashtyń ánderin oryndady
Álemniń jeti elinen barlyǵy 20 qatysýshy iriktelgen baıqaýdyń búgin – ekinshi kúni. Talap boıynsha ónerpazdar álemge tanymal ánderdi shyrqaıdy. Ónerpazdardyń daıyndyǵy men olardyń demalysy jiti uıymdastyrylǵan. Balalarǵa túrli jarys uıymdastyrylyp, olardyń arasyndaǵy dostyqty nyǵaıtýǵa bar jaǵdaı jasalǵan. Ónerpazdar kóńildi keshte Dımash Qudaıbergen oryndaıtyn ánderdi shyrqady.
«Aqtóbege ekinshi ret keldim. Buǵan deıin Beıbit Oraluly atyndaǵy konkýrsqa kelip, ádilqazy boldym. Al, bul joly jańa konkýrstyń kýási bolyp otyrmyn. Baıqaý óte sátti uıymdastyrylǵan. Ónerpazdardyń ár qadamy josparlanǵan. Al jas ánshilerdi ár eldiń, óńirdiń úzdikteri der edim. Olar irikteldi, tańdaldy. Súzgiden ótkeni ǵana shaqyrylyp, sahnada óner kórsetip jatyr. Alǵashqy kúni balalar óz ana tilinde án shyrqady. Zaldaǵy dybys qoıý tehnıkasy da erekshe», - dedi ádilqazylar alqasynyń múshesi Nıkolaı Tekelıev.
Aıta keteıik, 11 tamyz kúni baıqaýdyń gala kontserti ótedi. Onyń barysynda jeńimpazdar marapattalady.
Buǵan deıin habaralǵanamyzdaı, baıqaýǵa barlyǵy 200-ge jýyq adamnan ótinish túsken. 2018 jyldan beri ótip kele jatqan óner dodasynyń uıymdastyrýshylary - «Habar» arnasy jáne «Dımash Alı» shyǵarmashylyq ortalyǵy.
