«Baqytty Bala-2022» baıqaýyna qatysýshylardy qoldaýǵa Dımashtyń sheteldik jankúıerleri keldi

AQTÓBE. QazAqparat – «Baqytty Bala-2022» baıqaýyna qatysýshylardy qoldaýǵa Dımash Qudaıbergenniń sheteldik jankúıerleri keldi, dep habarlaıdy QazAqparat tilshisi Dimashnews saıtyna silteme jasap.

Jas ánshilerdiń ónerin qoldaý úshin Dımashtyń Polsha, Reseı jáne Qazaqstannyń ár aımaǵyndaǵy jankúıerleri Aqtóbege kelgen. Olar keshe «Baqytty Bala» IV balalar vokaldyq baıqaýynyń ónerpazdaryna arnalǵan baspasóz konferentsııasyna qatysqan. Qoldaý kórsetýshiler arasynda Bashqurtstannan Aqtóbege jeke kóligimen kelgen jankúıerler de bar.

Eske sala keteıik, buǵan deıin Aqtóbede «Baqytty Bala» balalar festıvali ótip jatqanyn habarlap edik. Oǵan álemniń birneshe elinen kelgen 21 ónerpaz qatysýda. Baıqaýdyń jeńimpazdary búgin saǵat 19:30-da ótetin Gala-kontsertte anyqtalady.