Banktiń jibergen qateliginen jańazelandııalyq azamat mıllıoner boldy
ASTANA. 12 maýsym. QazAqparat - Jańa Zelandııanyń turǵyny banktiń jibergen qateliginen mıllıoner atanyp, sodan keıin alaıaqtyq úshin sottaldy, dep habarlaıdy Ýtro.rý.
Jańa Zelandııadaǵy janarmaı quıatyn orynnyń ıesi, 33 jastaǵy Hýeı Gao 2009 jyly bankke aryzdanyp, 100 myń jańazelandııalyq dollar (shamamen 77 myń AQSh dollary) nesıe berýdi suraǵan. Keńsede qatelik jiberilip, onyń banktik esebine júz esege kóp soma aýdarylyp ketken. Bank bul qateligin birden baıqamady, al alaıaq bolsa ádil sottan eki jyldaı ýaqyt qashyp júrgen. Bank keıbir tranzaktsııalardy joıyp, 3 mln. jańazelandııalyq dollardy ózine qaıtara aldy, sondaı-aq keıbir somany Gaony qamaýǵa alýdan keıin qaıtarý múmkin boldy. Sonda da aqshanyń bir bóligi tabylmady.
Gaoǵa sot kesimin aıtqan prokýror Fletcher Pıldıch osyǵan uqsas oqıǵanyń endi qaıtalanýy ekitalaı ekenin aıtty, óıtkeni «bank salasynyń ókilderi bul sabaqty jaqsy meńgerip aldy».
