Banktiń nesıe shotyn júrgizgeni úshin komıssııa alýy zańsyz - Ulttyq bank
«Bankter týraly» zańǵa sáıkes, syıaqy mólsherlemeleri men komıssııalar, sondaı-aq bank qyzmetterin kórsetkeni úshin tarıfterdi bankter derbes belgileıdi. Bank qyzmetterine banktik jáne «Bankter týraly» zańnyń 30-babynda kózdelgen ózge operatsııalar jatady.
2011 jyldan bastap «Bankter týraly» zańda qarjy uıymdarynyń banktik qaryz sharttarynda qaryz berýge baılanysty alýǵa jatatyn komıssııalardyń tolyq tizbesin jáne olardyń mólsherin kórsetý mindeti jáne jasalǵan shart sheńberinde komıssııalardyń jańa túrlerin birjaqty tártippen engizýge tyıym salyndy.
Bul rette qaryz berýge baılanysty komıssııalardyń tizbesi jáne ataýlary boıynsha qandaı da bolsyn shekteýler zańnamada belgilenbegen.
Tekserý barysynda Ulttyq Bank nesıe shotyn júrgizgeni úshin komıssııany shartqa qosyp qoıǵan jaǵdaılardy anyqtady.
«Tólemder týraly» zańnyń 27-babyna sáıkes, osy bapta kórsetilgen operatsııalar júrgizilmeıtin, sondaı-aq banktegi nemese bank operatsııalarynyń jekelegen túrlerin júzege asyratyn uıymdaǵy býhgalterlik eseptiń pozıtsııalaryn kórsetetin shottar, balanstyq shottyń quraýyshtary bolyp tabylatyn jeke shottar (qosalqy pozıtsııalar), onyń ishinde nesıelik shottar banktik shottar bolyp tabylmaıdy.
Demek, nesıe shotyn júrgizgeni úshin alynatyn komıssııa bank qyzmetin kórsetýge baılanysty komıssııa bolyp tabylmaıdy.
Ulttyq Bank múddeli memlekettik organdarmen birlesip, nesıe shotyn júrgizgeni úshin alynatyn komıssııany óndirip alý praktıkasynyń zańdylyǵyn baǵalaý boıynsha jumys júrgizdi.
Bul jumystyń qorytyndysy boıynsha bankterdiń klıentterden nesıe shotyn júrgizgeni úshin komıssııa alýy zańsyz dep baǵalandy.
Osy oraıda, Ulttyq Bank bankterdiń atyna nesıe shotyn júrgizgeni úshin komıssııa alý tájirıbesin toqtatý qajettigi týraly hat joldady.
Nesıe shotyn júrgizgeni úshin komıssııa alý faktisi anyqtalǵan jaǵdaıda, Ulttyq Bank bankterge Qazaqstan Respýblıkasynyń zańnamasynda kózdelgen tıisti sharalardy qoldanýǵa quqyly ekendigi jóninde eskertildi.
Ulttyq Bank nesıe shotyn júrgizgeni úshin komıssııa alý tájirıbesin jalǵastyrýǵa qatysty keıbir bankterdiń is-áreketterinde anyqtalǵan buzýshylyqtar boıynsha qoldanystaǵy banktik qaryz sharttary boıynsha nesıe shotyn júrgizgeni úshin komıssııa alýdy toqtatý uıǵarymy túrinde shekteýli yqpal etý sharalaryn qoldandy.
