Banktiń myńdaǵan klıentteri jaıynda aqparat qoldy boldy
ASTANA. QazAqparat - Ulybrıtanııada «Barclays» bankiniń birneshe myń klıentteriniń jeke málimetterin urlaý faktisi boıynsha tergeý amaldary bastaldy.
«Mail on Sunday» gazetiniń jazýynsha, málimetterdiń urlanýy jaıynda aty-jónin atamaǵan belgisiz bireýdiń arqasynda anyqtaldy. Ol buǵan dálel retinde USB-jadyda eki myń adam jóninde aqparatty usyndy. Klıentter derekterinde qarjylyq ahýaly men densaýlyǵy jaıynda, sondaı-aq áleýmettik saqtandyrý nómiri men tólqujattyq aqparattar qamtylǵan. Bul málimetter «qara naryqta» birneshe mıllıon fýnt qarjyǵa teń. Jalpy «Barclays» bankiniń 24 myń klıenti týraly aqparat qoldy bolyp otyr, keıin ol satylyp ketken. Qazirgi kezde bank aqshalary urlanǵan azamattarmen baılanysyp jatyr.
