Bankti tonaý kezinde polıtsııa qyzmetkeri mert boldy
ASTANA. 25 jeltoqsan. QazAqparat - Tıýpelo qalasynda (Mıssısıppı shtaty) bankti tonaýshylarmen bolǵan atys kezinde polıtsııa qyzmetkeriniń biri qaza boldy, onyń seriktesi aýyr jaraqat aldy, dep habarlady Associated Press.
Polıtsııa qyzmetkerleri qylmys ornyna shuǵyl shaqyrý boıynsha jetken. Polıtsııa basshysy Tıýpelo Barta Agýırreniń aqparaty boıynsha olar kúdiktiler kóliginiń izine túsken, al qylmyskerler qýǵynshylarǵa qarsy oq jaýdyrǵan.
38 jastaǵy Kevın Shtaýffer oqıǵa ornynda jan tapsyrdy. Al 26 jastaǵy onyń seriktesi aýyr jaǵdaıda aýrýhanaǵa jetkizildi.
FTB qylmyskerdi ustaýǵa qol ushyn bergen adamǵa 50 myń dollar kóleminde syıaqy taǵaıyndalǵanyn jarııa etti.
