Bankterge tıesili valıýta aıyrbastaý beketteri azaıyp, bankten tys beketter kóbeıgen

ASTANA. KAZINFORM – Ulttyq bank Kazinform saýalyna joldaǵan jaýapta valıýta aıyrbastaý naryǵyndaǵy oıynshylardyń qurylymy týraly resmı statıstıkany atady.

- 2025 jylǵy 1 sáýirdegi jaǵdaı boıynsha Qazaqstan Respýblıkasyndaǵy qolma-qol shetel valıýtasy naryǵynda 2 082 aıyrbastaý pýnkti jumys isteıdi (01.01.2025 j. – 2 078, 01.01.2024 j. – 2 147, 01.01.2023 j. – 2 114). Onyń ishinde bankter men «Qazposhta» AQ-ǵa tıesilisi – 1 517 (72,86%) (01.01.2025 j. – 1 514, 01.01.2024 j. – 1 618, 01.01.2023 j. – 1 645), al banktik emes aıyrbastaý pýnkti – 565 (27,14%) (01.01.2025 j. – 564, 01.01.2024 j. – 529, 01.01.2023 j. – 469) bar, - dep jazady Ulttyq bank mamandary.

Budan shyǵatyn qorytyndy – bir jylda bankterge tıesili aıyrbastaý beketteriniń sany kemip, jeke kásipkerlerge tıesili beketterdiń sany artqan.

- 2025 jyldyń basynda aıyrbastaý pýnktteriniń jalpy sany 1 jyl ishinde 69-ǵa azaıǵan. Bul banktik aıyrbastaý pýnktteriniń 104-ke azaıyp, banktik emes aıyrbastaý pýnktteriniń sany 529-dan 564-ke deıin, ıaǵnı 35-ke ósýine baılanysty boldy, - delingen jaýapta.

Eske salsaq, Ulttyq bank tóraǵasy Tımýr Súleımenov kóshedegi valıýta baǵamynyń kestelerin ilýge nege tyıym salyp jatqandaryn túsindirgen bolatyn.