Bankterdiń uzaq merzimdik nesıeleýi ulǵaıdy
ALMATY. Jeltoqsannyń 11-i. QazAqparat /Erlik Erjanuly/ - Bankterdiń ekonomıkaǵa nesıeleri boıynsha negizgi boryshynyń jalpy kólemi qazanda 0,8 paıyzǵa tómendedi.
Bul Ulttyq bank tóraǵasynyń keshe Almatyda ótken baspasóz máslıhatynda málim boldy , dep habarlaıdy QazAqparat.
Ulttyq valıýtadaǵy nesıeler boıynsha boryshtyń kólemi 0,3 paıyzǵa ulǵaıyp, shetel valıýtasynda 1,9 paıyzǵa azaıdy. Teńgedegi nesıelerdiń úles salmaǵy qyrkúıekpen salystyrǵanda qazanda 48,6-dan 49,2 paıyzǵa ósti.
Uzaq merzimdi nesıeleý 0,4 paıyzǵa ulǵaıyp, qysqa merzimdi nesıeleý 2,8 paıyzǵa tómendedi. Nátıjesinde uzaq merzimdi nesıelerdiń úles salmaǵy qazanda qyrkúıekpen salystyrǵanda ulǵaıyp 84,2 paıyz boldy. Zańdy tulǵalarǵa nesıeler boıynsha borysh somasy 0,7 paıyzǵa kemidi. Al jeke tulǵalar boıynsha 1 paıyzǵa tómendep, olardyń úles salmaǵyn 1 aıda 28,8 paıyzdan 28,7 paıyzǵa kemidi. Al shaǵyn kásipkerlik sýbektileriniń nesıelek boryshy 0,1 paıyzǵa ósip, ekonomıkaǵa berilgen jalpy nesıe kóleminiń 21,9 paıyzyn qurady. Bankterdiń ekonomıkaǵa nesıeleri boıynsha boryshtarynyń 23 paıyzyn saýda, 19,4 paıyzyn qurylys, 9,5 paıyzyn ónerkásip, 3,5 paıyzyn aýyl sharýashylyǵyna tıesili. Qazanda jeke tulǵalarǵa valıýtamen berilgen nesıe boıynsha ortasha syıaqy mólsherlemesi 20,2 paıyzdan 20,3 paıyzǵa, zańdy tulǵalarǵa 15 paıyzdan 15,2 paıyzǵa ulǵaıdy.
