Bankterdiń tólem jasaý qabileti jetkiliksiz qaryz alýshylarǵa kredıt berýi shekteledi - Ábilqasymova

NUR-SULTAN. QazAqparat – Bankterdiń tólem jasaý qabileti jetkiliksiz qaryz alýshylarǵa kredıt berýi shekteledi. Bul týraly búgin Úkimet otyrysynda QR Qarjy naryǵyn retteý jáne damytý agenttiginiń tóraǵasy Mádına Ábilqasymova aıtty, dep habarlaıdy QazAqparat tilshisi.

Memleket basshysynyń tutynýshylyq kredıtteýdi retteý boıynsha naqty ári shuǵyl sharalar qabyldaý jónindegi tapsyrmasyn iske asyrý úshin Agenttik mynadaı is-sharalardy iske asyratyn bolady. Birinshiden, bankterdiń menshikti kapıtalynyń jetkiliktiligin prýdentsııalyq retteý aıasynda jeke tulǵalardyń tutynýshylyq kredıtteri boıynsha táýekel-saralaýdy ulǵaıtý jolymen is-sharalar qabyldanatyn bolady», - dedi ol.

Agenttik tóraǵasynyń aıtýynsha, borysh júktemesi koeffıtsıentin esepteý qatańdatylady. Esepten qaryz alýshyda turaqty kiristiń bolýyn dáıekti túrde rastaı almaıtyn kiristi aıqyndaý ólshemsharttary alyp tastalady.

«Táýekelge baǵdarlanǵan qadaǵalaý aıasynda bankterge jáne mıkroqarjy uıymdaryna qatysty táýekeli joǵary tutynýshylyq kredıtter boıynsha qosymsha shekteýler engizý de qarastyrylady. Nátıjesinde bankterdiń tólem jasaý qabileti jetkiliksiz qaryz alýshylarǵa kredıtter berýi shekteledi», - dedi Mádına Ábilqasymova.