Bankterdiń máselesin salyq tóleýshilerdiń esebinen sheshpeýimiz kerek - depýtat
«Prezıdent óziniń keıingi Joldaýy arqyly shaǵyn jáne orta bıznes ókilderine úlken qoldaý kórsetip otyr. Buǵan deıin atalyp ótkendeı, qazir bıznes qarajatqa táýeldi bolyp tur. Elde tótenshe jaǵdaı engizilgen kezde bizdiń partııa Úkimetke de, Ulttyq bankke de sol kezde kásipkerlerge kórsetilgen kómektiń az ekenin aıtyp, saýal joldaǵan bolatyn. Sebebi ol kezde bankterdiń bar kómegi – nesıeni keıinge shegerý ǵana boldy. Alaıda karantın bitkenimen kiris óspeıtinin bárimiz bilemiz. Sol sebepti bul nesıelerdi jeńildetilgen stavka boıynsha qaıta qarjylandyrýdy usyndyq. Prezıdenttiń osy rette stavkany 6 paıyzǵa deıin tómendetý týraly tapsyrmasy berildi», - dedi Danııa Espaeva OKQ-da ótken baspasóz máslıhatynda.
Depýtattyń aıtýynsha Qarjy naryǵyn retteý jáne damytý agenttiginiń tóraǵasy Madına Ábilqasymova qyrkúıektiń basynda ótken Úkimet otyrysynda «qıyn jaǵdaıda qalǵan ShOB boıynsha qazirgi ýaqytta jyldyq ortasha stavka 15 paıyz ekenin» aıtyp, Úkimetke ekinshi deńgeıli bankterdiń qaryzdary boıynsha 20 paıyzben qaıta qarjylandyrýdy usynǵan.
«ıAǵnı, biz salyq tóleýshilerdiń esebinen bankterdiń máselelerin sheshýimiz kerek eken. Olaı bolmaý kerek. Sol úshin jyldyq 20 paıyzdyq ortasha stavkamen qaryz bergen bankter jyldyq stavkany 14 paıyzǵa deıin tómendetý kerek. Artynsha 6 paıyzǵa azaıady. Sol sebepti Prezıdenttiń bastamasyn tolyq qoldaımyn», - dedi ol.
