Bankterdiń kredıttik portfeliniń kúızelisterge ushyraǵyshtyq deńgeıi burynǵydaı joǵary - QR Ulttyq banki
ALMATY. QazAqparat - QR Bankteriniń kredıttik portfeldiń kúızelisterge ushyraǵyshtyq deńgeıi burynǵydaı joǵary bolyp qalýda. Bul týraly QR Ulttyq bankiniń 2013 jyldyń qorytyndysy boıynsha Qazaqstannyń qarjylyq turaqtylyǵy týraly esebinde baıandaldy.
«Bankterdiń anderraıtıng standarttaryn jaqsartýyna qaramastan, kredıttik portfeldiń kúızeliske ushyraǵyshtyq deńgeıi burynǵydaı joǵary bolyp qalýda. Jumys istemeıtin qaryzdardyń jınaqtalǵan tarıhı deńgeıi bankterdiń kredıttik portfeliniń táýekeli qurylymynyń jaqsarýyn tejeýde. Jumys istemeıtin qaryzdardyń 70%-ǵa jýyǵy daǵdarystyń alǵashqy jyldary kezeńinde, ıaǵnı 2009 jylǵa deıin berilgen», - delingen esepte. Sala boıynsha qarastyrǵanda áleýetti defolttardyń eń kóp úlesi saýda, qurylys jáne óńdeý ónerkásibine tıesili ekendigi anyqtaldy. Al bankterge aýyl sharýashylyǵy, qurylys jáne taý-ken óndirý kásiporyndaryna jatatyn qaryz alýshylardyń defolty eń kóp shyǵyn ákelgen. Esepte baıandalǵandaı, sońǵy eki jylda kepilsiz tutynýshylyq kredıt berýdiń jyldam ósýi baıqalady. Halyqtyń boryshtyq júktemesiniń tómen deńgeıi tutynýshylyq kredıtterdi odan ári ósirýge ákep soqtyrýda. Máselen, birden aspaıtyn kredıti bar qaryz alýshylardyń úlesi Qazaqstanda - 75%, Reseıde - 64% quraıdy. Sonymen birge, bir qaryz alýshyǵa keletin qaryzdardyń ortasha sany Qazaqstanda - 1,3 jáne Reseıde - 2,1 boldy.
