Bankterdiń ekonomıkany nesıeleýi 7 aıda 5,4 paıyzǵa ulǵaıdy
ALMATY. 5 qyrkúıek. QazAqparat - Shildede bankterdiń ekonomıkany nesıeleýiniń jalpy kólemi 9289,3 mlrd. teńgeni qurap, 0,4 paıyzǵa ulǵaıdy. Bul QR Ulttyq bank tóraǵasy Grıgorıı Marchenkonyń búgin Almatyda ótkizgen baspasóz máslıhatynda aıtyldy.
Bas bankırdiń aıtýynsha, shildede ulttyq valıýtadaǵy kredıtterdiń
kólemi 6292,1 mlrd. teńgege deıin 1 paıyzǵa ósti. Shetel valıýtasyndaǵy nesıelerdiń kólemi 6292,1 mlrd. teńgeni qurap, 0,8 paıyzǵa tómendedi. Teńgedegi nesıelerdiń úles salmaǵy 67,3-ten 67,7 paıyzǵa deıin ulǵaıdy. Shildede uzaq merzimdi nesıeleý - 1,7 paıyzǵa ósip, qysqa merzimdi nesıeleý - 3,5 paıyzǵa tómendedi. Sonyń nátıjesinde uzaq merzimdi nesıelerdiń úlesi maýsymmen salystyrǵanda 80,8-den 81,5 paıyzǵa artyp otyr. Shildede zańdy tulǵalardyń nesıesi 0,3 paıyzǵa tómendep, jeke tulǵalardyń nesıesi 2,3 paıyzǵa ulǵaıdy. Shaǵyn kásipkerlik sýbektilerin nesıeleý 0,5 paıyzǵa ulǵaıyp, ekonomıkaǵa berilgen nesıelerdiń 14,7 paıyzyn qurady. Bank nesıeleriniń 19,8 paıyzy saýda, 14,9 paıyzy qurylys, 12,1 paıyzy ónerkásip, 3,9 paıyzy kólik, 3,1 paıyzy aýyl sharýashylyǵy salalaryna berildi.
