Bankterdiń ekonomıkany kredıtteý kólemi 2014 jylǵy aqpanda 6,7%-ǵa ósti

«Ulttyq valıýtadaǵy kredıtterdiń kólemi 7940,6 mlrd. teńgege deıin, ıaǵnı 0,3%-ǵa ulǵaıdy, shetel valıýtasyndaǵy kredıt kólemi 4128,8 mlrd. teńgege deıin, ıaǵnı 21,4%-ǵa ósti. Teńgedegi kredıtterdiń úles salmaǵy bir aıda 69,9%-dan 65,8%-ǵa deıin tómendedi. Uzaq merzimdi kredıtteý 2014 jylǵy aqpanda 9730,2 mlrd. teńgeni qurap, 6,0%-ǵa kóterildi, qysqa merzimdi kredıtteý 2339,2 mlrd. teńgege deıin 9,6%-ǵa ósti. Uzaq merzimdi kredıtterdiń úles salmaǵy bir aıda 81,1%-dan 80,6%-ǵa deıin tómendedi. Zańdy tulǵalarǵa berilgen kredıtterdiń kólemi 2014 jylǵy aqpanda 8279,8 mlrd. teńgege deıin 8,0%-ǵa artty, jeke tulǵalarǵa kredıtter 3789,6 mlrd. teńgege deıin 3,8%-ǵa ulǵaıdy. Jeke tulǵalarǵa berilgen kredıtterdiń úles salmaǵy bir aıda 32,3%-dan 31,4%-ǵa deıin azaıdy», delingen habarlamada. Sonymen qatar, baspasóz qyzmetiniń habarlaýynsha, shaǵyn kásipkerlik sýbektilerin kredıtteý 2014 jylǵy aqpanda 1370,7 mlrd. teńgege deıin - 7,2%-ǵa ulǵaıdy, bul ekonomıkaǵa berilgen kredıtterdiń jalpy kóleminiń 11,4%-yn quraıdy. Aıta keteıik, salalar boıynsha bankterdiń ekonomıkaǵa berilgen kredıtteriniń anaǵurlym aıtarlyqtaı somasy saýda (jalpy kólemdegi úlesi - 19,1%), qurylys (12,2%), ónerkásip (11,4%), kólik (3,7%) jáne aýyl sharýashylyǵy (3,5%) sııaqty salalarǵa tıesili.