Bankterdiń ekonomıkaǵa salǵan nesıeleri bıyldyń basynan beri 2 paıyzǵa qysqardy - Úkimet otyrysy
ASTANA. 14 qarasha. QazAqparat /Rýslan Ǵabbasov/ - Bankterdiń ekonomıkaǵa salǵan nesıeleri bıyldyń basynan beri 2 paıyzǵa qysqardy. Bul týraly búgin elimizdiń bıylǵy 11 aıda áleýmettik-ekonomıkalyq damýynyń qorytyndysyna arnalǵan selektorlyq rejımdegi Úkimet otyrysynda Ekonomıkalyq damý jáne saýda mınıstri Janar Aıtjanova málim etti.
«Ekonomıkanyń naqty sektorynyń ósýi áserinen ekinshi deńgeıdegi bankterdiń depozıttik qory keńeıdi. Biraq, bankterdiń ekonomıkaǵa salǵan nesıeleri bıyldyń basynan beri 2 paıyzǵa qysqardy», - dedi vedomstvo basshysy. Osy oraıda mınıstr elimizdegi bıznesti damytýdyń negizgi faktorlarynyń biri - shaǵyn jáne orta bıznesti nesıelendirýdi arttyrýǵa baılanysty ekenin jetkizdi.
«Halyqaralyq valıýta qorynyń mıssııasy óziniń qorytyndy baıandamasynda ishki suranysty yntalandyrý jáne kásipkerlikti qoldaý maqsatynda ekonomıkany nesıelendirýdi qalpyna keltirý qajettigin atap ótti. Osy maqsatta qabyldanǵan «Bıznestiń jol kartasy-2020» baǵdarlamasynyń aıasynda búginde jalpy quny 89 mlrd. teńge bolatyn 209 jobany sýbsıdııalaý sharalary maquldandy», - dedi J. Aıtjanova.
Sonymen qatar mınıstr Qazaqstandaǵy bıznestiń ahýalyn jaqsartý maqsatynda, sondaı-aq shaǵyn jáne orta bıznesti qoldaý úshin, ıaǵnı ákimshilik kedergilerdi azaıtý boıynsha jumystar júrgizilip jatqanyn aıtyp ótti.
