Bankterdi mobıldi aýdarym komıssııasyn tómendetýge mindettemeımiz – Ulttyq bank ókili

ASTANA. KAZINFORM – Ulttyq bank tóraǵasynyń orynbasary Berik Sholpanqulov eldegi ekinshi deńgeıli bankter arasyndaǵy mobıldi aýdarymdardy retteıtin ortaq júıe komıssııa tarıfterine qalaı áser etetini týraly túsinik berdi.

Buǵan deıin ol Senatta ótken dóńgelek ústelde ortaq ekojúıe bankter arasyndaǵy mobıldi aýdarymdardyń komıssııasyn tómendetetinin aıtqan bolatyn. 

Baspasóz máslıhaty kezinde ózara mobıldi aýdarymdar ortaq ekojúıege ótkenimen bankter osy qyzmet úshin alatyn komıssııa tarıfin tómendetýge mindettelmeıtinin aıtty.

- Dóńgelek ústelde komıssııa tarıfterin tómendetý týraly sheshim qabyldaımyz dep aıtqan joqpyn. Bankterde tarıfti tómendetýge múmkindik bolady degen bolatynmyn. ıAǵnı, ortaq ekojúıege kirgen bankterdiń eshbirine ondaı mindet qoımaımyz, - dedi Ulttyq bank basshysynyń orynbasary.

Aıta keteıik, bankter arasyndaǵy ortaq QR-kodqa eki bank qana qosylǵan.