Bankter Ulttyq qordyń 147,5 mlrd. teńgesin belgilengen ýaqytynan buryn qaıtardy - Ekonomıkalyq damý jáne saýda vıtse-mınıstri M. Qusaıynov
ASTANA. 25 qańtar. QazAqparat /Rýslan Ǵabbasov/ - Bankter Ulttyq qordyń 147,5 mlrd. teńgesin belgilengen ýaqytynan buryn qaıtardy.
Bul týraly búgin Úkimet otyrysynda Ekonomıkalyq damý jáne saýda vıtse-mınıstri Marat Qusaıynov málim etti.
Aıta keteıik, qarjy sektoryn turaqtandyrý aıasynda elimizdegi 4 júıe quraýshy bankterdiń qosymsha tólempazdyǵy 486 mlrd. teńge somasynda iske asyryldy. Bul óz kezeginde bankterdiń rezervtik deńgeıin qalyptastyrýǵa, sondaı-aq ekonomıkany nesıelendirýdi arttyrýǵa múmkindik berdi.
Esterińizge sala keteıik, BTA bankke - 212 mlrd. teńge, Kazkommerts bankke -120 mlrd. teńge, Halyq bankine - 120 mlrd. teńge jáne «Alıans» bankke 124 mlrd. teńge bólingen bolatyn.
M. Qusaıynovtyń sózine qaraǵanda, bankterdiń syrtqy qaryzdary 11 mlrd. dollardan astam qarjyǵa qysqartyldy. Sonymen qatar ol BTA banktiń, Alıans banktiń jáne Temir banktiń syrtqy mindetterin qaıta qurylymdaý tabysty aıaqtalǵanyn atap ótti.
M. Qusaıynovtyń aıtýynsha, ataqarylǵan sharalardyń nátıjesinde halyqtyń bank júıesine degen senimi arta tústi. 2010 jyldyń ishinde ekinshi deńgeıli bankterge halyqtyń salymy 13,7 paıyzǵa ósip, jyl sońynda 6,8 trln. teńgeni qurady.
