Bankter men mıkroqarjy uıymdary strestik aktıvterdi sata bastaıdy

ASTANA. QazAqparat – Strestik aktıvter naryǵyn odan ári damytý úshin tsıfrlyq platforma jasalady. Búginde platformany qurýdyń gıbrıdti modeli anyqtaldy. Bul týraly Qarjy naryǵyn retteý jáne damytý agenttigi tóraǵasynyń orynbasary Oljas Qızatov málim etti, dep habarlaıdy QazAqparat tilshisi.

«Strestik aktıvter naryǵyn odan ári damytý úshin bizdiń agenttik tsıfrlyq platforma qurý bastamasyn qolǵa aldy. Akkredıtteý men qoıylatyn talaptardy qanaǵattandyrý úshin biryńǵaı platformanyń gıbrıdti modeli anyqtaldy. Bıyl jyl sońyna deıin bankter men mıkroqarjy uıymdarynyń tsıfrlyq platformada strestik aktıvterdi mindetti túrde satýy týraly zańnamaǵa túzetýler engizý josparlanyp otyr», – dedi Oljas Qızatov ortalyq kommýnıkatsııalar qyzmeti alańynda ótken baspasóz máslıhatynda.

Onyń aıtýynsha, zańǵa ózgerister engizý arqyly agenttikke stress aktıvterdi tsıfrlyq platforma arqyly satý boıynsha biryńǵaı talaptardy belgileý ókilettigi berilmek.

«Biryńǵaı talaptardyń tizbesi «Ashyq» normatıvtik-quqyqtyq aktiler deńgeıinde bekitiledi. Bekitilgennen keıin ony tsıfrlyq platformalarǵa sáıkestendirý úshin belgili bir ýaqyt qajet», - deıdi ol.