Bankter qundy qaǵazdar tabysynan salyq tólep jatqan joq – Albert Raý

ASTANA. QazAqparat – Prezıdent Joldaýynda ekonomıkadaǵy nesıeniń úlesi tómen ekeni basa aıtyldy. Májilis depýtaty Albert Raý bul máselege Memleket basshysy bekerden nazar aýdarmaǵanyn aıtady, dep habarlaıdy QazAqparat tilshisi.

Meni shynymen, ekonomıkadaǵy nesıelerdiń úlesi alańdatyp júrgen. Keıingi eki jylda Úkimettiń atyna osy máseleni kóterip kelemin. Qazirgi kórsetkish – 20%. Qalypty kórsetkish – 50%. Reseıde ol kórsetkish – 40%, Qytaıda – 60%. Al damyǵan elderde jalpy ishki ónim men ekonomıkadaǵy nesıeniń kólemi qaraılas. Ekonomıkadaǵy 20% nesıeniń 60% – tutyný nesıesi. Ondaı ekonomıka óse ala ma? «Báıterek» ony ótep bere ala ma? Úkimet bankterge tólem qabiletin 4 trln teńge kóleminde qundy qaǵazdarda ustap turýǵa jaǵdaı jasap qoıǵanyn aıtyp júrmin. Onymen qoımaı tabysynan salyq tólep jatqan joq

, - dedi depýtat Parlament palatalarynyń birlesken otyrysynan keıin.

Sondaı-aq ol tutyný nesıesi joǵary bolyp turǵan Qytaıdyń mysalyn keltirdi. Aıtýynsha, ol elde tutyný kredıti joǵary bolǵanmen, ónimniń bári ózinde shyǵatyndyqtan, bul ekonomıkaǵa tıimdi.

Aıta keteıik, búgin Memleket basshysy bankter tutyný nesıesimen áýestenip ketkenin synǵa alǵan bolatyn.

Mundaı ahýal Úkimetti tikeleı qarjylandyrýmen, kepildik jáne sýbsıdııa berýmen aınalysýǵa májbúrleıdi. Bul tásil tıimsiz, kóp qarajatty talap etedi ári naryqtyq ekonomıka qaǵıdalaryna qaıshy keledi. Sonymen birge, naqty sektorǵa beriletin kredıt azaıyp jatqanda bankter tutyný nesıesimen áýestenip ketti. Osy jaǵdaı qarjy júıesine tónetin syn-qaterlerdiń kóbeıýine jáne azamattardyń shekten tys qaryzǵa batýyna ákep soqtyrdy

, - dedi Qasym-Jomart Toqaev Qazaqstan halqyna Joldaýynda.