Bankter ıpoteka berýge nege belsendi emes
«Bankterge toqtalatyn bolsaq, olar ıpotekaǵa qatysýǵa belsendilik tanytpaı otyr. 2016 jyly banktik zańnamaǵa tıisti ózgerister engizildi, osy oraıda bul qadamdar ıpoteka alýshylardyń múddesin qorǵap otyr. Merzimi ótip ketken ıpoteka boıynsha, ıaǵnı onyń ýaqyty 6 aıdan asyp ketse, onda búginde bankter ósimpuldardy esepteýge jáne aıyppuldardyń ózge de túrlerin qosýǵa quqyly emes»,-dep toqtaldy komıtet ókili Májilistegi «Nur Otan» partııasy fraktsııasy janyndaǵy turǵyn úı jáne ınfraqurylym máselesi jónindegi komıssııanyń otyrysynda.
Sonymen qatar B. Qashaqov problemaly ıpoteka alýshylarǵa baılanysty týyndaǵan sot tájirıbesi týraly aıtyp berdi. Bul turǵyda eger adamnyń jalǵyz baspanasy bolsa, ony tartyp alýǵa jol berilmeıdi.
«Bankter úshin taǵy bir problema mindettemelerdi oryndaý boıynsha tártiptiń ózgerýine qatysty bolyp otyr. Atap aıtqanda, qazir bastapqyda negizgi qaryz tólenedi, al keıinnnen paıyzdyq mólsherleme óteledi. Osy faktorlarǵa baılanysty bankter ıpotekany berýde asa belsendilik tanytpaı otyr», - dep naqtylady Qurylys jáne turǵyn úı-kommýnaldyq sharýashylyq ister komıteti tóraǵasynyń orynbasary.
