Bankter boryshkerden óndirilgen múlikti 3 jyldyń ishinde satyp úlgerýge mindetti

NUR-SULTAN. QazAqparat – Budan bylaı bankter men mıkroqarjy uıymdary boryshkerden ótelmegen nesıe úshin tárkilengen múlikti óz menshiginde 3 jyl ǵana ustaı alady, dep habarlaıdy QazAqparat tilshisi.

Strestik aktıvter naryǵyn damytý zańynyń negizgi jańashyldyqtaryn túsindirgen QR Qarjy naryǵyn retteý jáne damytý agenttigi tóraǵasynyń orynbasary Oljas Qızatov osyndaı málimet aıtty

«Zań óndirip alynǵan múliktiń bankterdiń jáne mıkroqarjy uıymdarynyń balansynda bolýy úshin shekti merzimdi 3 jyl dep belgileýdi, ıaǵnı problemalyq kredıtti óteý esebine banktiń menshigine ótken múlik túrindegi strestik aktıvtiń bolýy úshin shekti merzimdi 3 jyl dep belgileýdi kózdeıdi. Bul bankterdi jáne mıkroqarjy uıymdaryn strestik aktıvterdi ekonomıkalyq aınalymǵa jedel túrde tartýǵa yntalandyrady», - dedi agenttik óili.

Aıtýynsha, qabyldanǵan zań strestik aktıvterdi ekonomıkalyq aınalymǵa tartý arqyly strestik aktıvterdiń qaıtalama naryǵyn damytý úshin berik negiz jasaýǵa tıis.

Foto: ortcom.kz