Bankter ashyq jumys isteıtin kásipkerlerdi qarjylandyrýǵa daıyn ekenin bilemiz - Prezıdent

ASTANA. QazAqparat – Bank sektorynyń iri ınvestıtsııalyq jáne ınfraqurylymdyq jobalardy kredıtteý múmkindikterin keńeıtý qajet. Bul týraly elimizdiń áleýmettik-ekonomıkalyq damýy jónindegi keńeste Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Otandyq bankterdi bıznes pen ınvestıtsııa úshin qolaıly jaǵdaı jasaý jumystaryna tartý óte mańyzdy. Bank sektorynyń iri ınvestıtsııalyq jáne ınfraqurylymdyq jobalardy kredıtteý múmkindikterin keńeıtý qajet. Tıisti tapsyrmany meni Ekonomıkany kredıtteýdi keńeıtý jónindegi is-sharalar týraly Jarlyq aıasynda berdim», - dedi Memleket basshysy.

Qasym-Jomart Toqaev sonymen qatar shaǵyn men orta bıznes qoljetimdi banktik kredıtten tys qalyp otyrǵanyn basa aıtty.

«Buǵan qosa, biz bankterdi aqsha bar ekenin jáne olar ashyq jumys isteıtin kásipkerlerdi qarjylandyrýǵa daıyn ekenin bilemiz. Sondyqtan bankterdiń ózderiniń jumysyn qaıta baptaýdan bólek bankter men memlekettik kirister organdarynyń aqparattyq júıelerin ıntegratsııalaýdy jáne aqsha aǵyndaryn tsıfrlandyrýdy kúsheıtý qajet. Bul bankterdiń bızneske, ásirese shaǵyn jáne orta bızneske senimin nyǵaıtýǵa múmkindik beredi», - dedi Prezıdent.