Bankter arasyndaǵy aktıvter men mindettemelerdi berý jónindegi zańnamaǵa ózgerister engizildi

QazAqparat qujat mátinin taratady.

Qazaqstan Respýblıkasy Ulttyq Banki Basqarmasynyń qaýlysy №78 2015 jylǵy 8 mamyr, Almaty qalasy Qazaqstan Respýblıkasynyń keıbir normatıvtik quqyqtyq aktilerine bankter arasyndaǵy aktıvter men mindettemelerdi birmezgilde berý jónindegi operatsııany júrgizý máseleleri boıynsha ózgerister men tolyqtyrýlar engizý týraly

«Qazaqstan Respýblıkasynyń keıbir zańnamalyq aktilerine saqtandyrý jáne ıslamdyq qarjylandyrý máseleleri boıynsha ózgerister men tolyqtyrýlar engizý týraly» 2015 jylǵy 27 sáýirdegi Qazaqstan Respýblıkasynyń Zańyn iske asyrý maqsatynda Qazaqstan Respýblıkasy Ulttyq Bankiniń Basqarmasy qaýly etedi:

1. Osy qaýlynyń qosymshasyna sáıkes Qazaqstan Respýblıkasynyń bankter arasyndaǵy aktıvter men mindettemelerdi birmezgilde berý jónindegi operatsııany júrgizý máseleleri boıynsha ózgerister men tolyqtyrýlar engiziletin normatıvtik quqyqtyq aktileriniń tizbesi bekitilsin.

2. Baqylaý jáne qadaǵalaý ádisnamasy departamenti (Ábdirahmanov N.A.) zańnamada belgilengen tártippen:

1) Quqyqtyq qamtamasyz etý departamentimen (Dosmuhambetov N.M.) birlesip osy qaýlyny Qazaqstan Respýblıkasynyń Ádilet mınıstrliginde memlekettik tirkeýdi;

2) osy qaýlyny Qazaqstan Respýblıkasynyń Ádilet mınıstrliginde memlekettik tirkelgennen keıin kúntizbelik on kún ishinde «Qazaqstan Respýblıkasy Ádilet mınıstrliginiń respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornynyń «Ádilet» aqparattyq-quqyqtyq júıesinde resmı jarııalaýǵa jiberýdi;

3) osy qaýly resmı jarııalanǵannan keıin ony Qazaqstan Respýblıkasy Ulttyq Bankiniń resmı ınternet-resýrsyna ornalastyrýdy qamtamasyz etsin.

3. Halyqaralyq qatynastar jáne jurtshylyqpen baılanys departamenti (Qazybaev A.Q.) osy qaýlyny Qazaqstan Respýblıkasynyń Ádilet mınıstrliginde memlekettik tirkelgennen keıin kúntizbelik on kún ishinde merzimdi baspasóz basylymdarynda resmı jarııalaýǵa jiberýdi qamtamasyz etsin.

4. Osy qaýlynyń oryndalýyn baqylaý Qazaqstan Respýblıkasynyń Ulttyq Banki Tóraǵasynyń orynbasary Q.B. Qojahmetovke júktelsin.

5. Osy qaýly alǵashqy resmı jarııalanǵan kúninen bastap qoldanysqa engiziledi.

Ulttyq Bank Tóraǵasy Q.Kelimbetov