Bankter 2014 jyldan bastap kepilsiz tutyný nesıesiniń jyldyq ósimin 30 paıyzdan asyrmaýy kerek - Qaırat Kelimbetov
ALMATY. 18 jeltoqsan. QazAqparat - Qazaqstanda kepilsiz tutyný nesıesi qazir bankterdiń nesıe qorjynynyń 15 paıyzynan aspaıdy. Bul týraly QR Ulttyq bank tóraǵasy Qaırat Kelimbetov búgin Almatyda qarjy naryǵyndaǵy ahýal týraly baspasóz máslıhatynda aıtty.
«Kepilsiz tutyný nesıesi Reseıde - 30, Eýropa elderinde 50 paıyzdan asady. Biz úshin onyń kólemi emes, ósý qarqyny mańyzdy bolyp otyr. 2012 jyldyń 1 qańtary men 2013 jyldyń 1 qańtary aralyǵynda onyń kólemi 100 paıyzdan astam ósken», - deıdi Q.Kelimbetov.
Bas bankırdiń aıtýynsha, olar «kúıip ketýdiń» aldyn alý úshin banktermen kelisimge kelgen. Endi 2014 jyldan bastap kepilsiz tutyný nesıesiniń ósý qarqyny 30 paıyzben shekteletin bolady. Qazir jurtshylyqtyń qarjy uıymdaryna qatysty shaǵymdarynyń 60 paıyzy bankterge qatysty, al onyń 40 paıyzy qaryzdy qaıta qurylymdaýǵa baılanysty bolyp otyr.
