Bankten alǵan nesıe qaraqshyǵa boldy nesibe
ASTANA. 20 naýryz. QazAqparat - Qaraǵandyda 19 jastaǵy azamatqa qaraqshylyq shabýyl jasap, bankten alǵan nesıesin tartyp aldy degen kúdikpen 21 jastaǵy azamat ustaldy.
Bul týraly búgin QR ІІM Til saıasaty jáne aqparat departamentiniń bastyǵy Nurdildá Oraz málim etti.
«Qaraǵandylyq polıtseıler júrgizgen jedel-izdestirý is-sharalarynyń barysynda 19 jastaǵy jábirlenýshige qaraqshylyq shabýyl jasaǵan qylmystyq toptyń bir sybaılasy qolǵa tústi», - dedi N.Oraz.
Resmı ókildiń atap ótýinshe, aqpan aıynyń orta sheninde, kúndizgi saǵat 12 shamasynda úı kireberisinde eki belgisiz adam jábirlenýshini bas salyp, iri mólsherdegi aqshasyn qoldy qylǵan. Zábir kórgen jigit bul oqıǵanyń aldynda ǵana bankten kólik satyp alý maqsatynda 1 mln. 200 myń teńge nesıe alǵan eken.
«Qaraqshylar jábirlenýshini óz páterine ıterip kirgizip, telefon symymen baılap tastaıdy da denesine pyshaq jaraqatyn salǵan. Aramza oılary júzege asqan basbuzarlar aqshany qoldy qylyp, oqıǵa ornynan izderin sýytqan. Qazirgi ýaqytta atalǵan qylmysqa qatysy bar 21 jastaǵy jergilikti turǵyn polıtsııanyń tuzaǵyna ilikti, tergeý amaldary jalǵasyp jatyr», - dedi ol.
