Bankrottyq rásimdeýge ótinish berýdiń beınenusqaýy jarııalandy

ASTANA. QazAqparat – Memlekettik kirister komıteti jeke tulǵalardyń bankrottyǵyn rásimdeýge ótinish berýdiń beınenusqaýyn jarııalady, dep habarlaıdy QazAqparat tilshisi.

Bir qyzyǵy komıtettiń Telegram-arnasyndaǵy vıdeonusqaý orys tilinde ǵana málimet beredi. Vıdeonusqaýda elektrondy tsıfrlyq qoltańba arqyly egov.kz portalynan ótinish berýdiń ár qadamy naqty kórsetilgen.

Buǵan deıin Qarjy vıtse-mınıstri Erjan Birjanov 3 naýryzda ótinim qabyldaý bastalatynyn málimdegen edi.

«Qarjy mınıstrligi men ózge de múddeli memlekettik organdar 3 naýryzdan bastap ótinim qabyldaý protsedýrasyn tolyqtaı daıyndady. Birden aıta keteıin, jeke tulǵalardyń bankrottyǵyn júzege asyrý merzimi joq. Elimizde buǵan deıin júrgizilgen avtokólikterdi, kapıtaldy zańdastyrýmen salystyrǵanda zańnyń («Qazaqstan Respýblıkasy azamattarynyń tólem qabilettiligin qalpyna keltirý jáne bankrottyǵy týraly» - avtor) kezeńi boıynsha qandaı da bir shekteý joq. Sondyqtan da, qandaı da bir sheshim qabyldanǵanda, ol aqylǵa qonymdy bolýy tıis. Memleket tarapynan eshqandaı shekteý bolmaıdy», - dedi ol Ortalyq kommýnıkatsııalar qyzmetindegi baspasóz máslıhatynda.