Bankrottyq rásimdegen jeke tulǵaǵa qandaı shekteýler qoıylady

ASTANA. QazAqparat – Qarjy vıtse-mınıstri Erjan Birjanov ortalyq kommýnıkatsııalar qyzmetinde ótken brıfıngide bankrottyq rásimdegen jeke tulǵaǵa qandaı shekteýler qoıylatynyn túsindirdi, dep habarlaıdy QazAqparat tilshisi.

Bankrottyq rásimdegen azamattar áýeli 5 jyl boıy nesıe alýdan shekteledi. Qaıtadan bankrottyq rásimdeý úshin arada 5 jyl ýaqyt ótýi kerek. Mysaly, zań jobasy endigi jyly kúshine endi dep esepteıik. Sonda 2023 jyly bankrot dep tanylsa, qaıtadan bankrottyq rásimdeý úshin 7 jyl kútedi. Demek, 2028 jyly ǵana qaıtadan bankrottyq rásimdeı alady. Bankrottyqtan keıin ony rásimdegen jeke tulǵanyń qarjylyq jaǵdaıyna 3 jyl kóleminde monıtorıng júrgiziledi. Mundaı tájirıbe Eýropa elderinde bar. Sebebi, qasaqana bankrottyq rásimdegenderdi anyqtaýǵa osyndaı tásil qoldanylady

, - dedi Erjan Birjanov.

Sondaı-aq, ol jeke tulǵanyń bankrottyǵyn onyń atynan senim bildirilgen tulǵalar, týǵan-týystary rásimdeı almaıtynyn eskertti. Demek, bankrottyq rásimi boryshkerdiń óziniń qatysýymen ǵana júzege asady.

Aıta ketsek, moınynda problemalyq qaryzy barlardyń 96 paıyzy sottan tys bankrottyq rásimdeýi múmkin. Zańdy tulǵalardy bankrot dep taný mehanızmi problemalyq qaryzy 4,9 mln teńgeden asqandarǵa da qoldanylady.

Sondaı-aq, qarjylyq «saýyqtyrýdyń» bankrottyqtan artyqshylyǵy qandaı ekeni jazyldy.