Bankrottyq rásimge aryz bergen turǵyn qaryzyn 180 mln teńgege artyq kórsetken

Almaty oblysynyń turǵyny 182 mln teńge bereshegim bar dep bankrottyq rásimge aryz bergen, dep habarlaıdy QazAqparat tilshisi. 

«Sottan tys bankrottyq rásimin qoldanýǵa 65 myńnan astam ótinish tústi. 52,9 myńynan bas tartyldy. Bul rásim 3 naýryzdan bastap 11 myńnan astam azamat úshin bastaldy. 6 aılyq monıtorıng sátti ótip, bereshek somasy 2,7 mlrd teńge bolatyn 948 azamat bankrot mártebesine ıe boldy», - dep atap ótedi Memlekettik kirister komıteti agenttiktiń resmı saýalyna bergen jaýabynda.

Vedomstvo málimetinshe, ótinishte eń kóp qaryz somasyn kórsetken Almaty oblysy azamatynyń bereshegi 182,7 mln teńge bolǵan.

«Bul rette kredıttik bıýronyń derekteri boıynsha osy ótinish berýshiniń jalpy qaryzy 2,2 mln teńge bolǵan. Ótinish berýshilerdiń eń kóp sany Túrkistan (9,2 myń), Almaty oblysy (7,6 myń) jáne Almaty qalasynda (5,2 myń aryz). Soltústik Qazaqstan oblysy (921) men Ulytaý aýdanynyń (588) 1 myńǵa jetpeıtin azamaty bankrottyqqa aryz berdi. Búgingi kúni tólem qabilettiligin qalpyna keltirý jáne sot bankrottyǵy rásiminiń nátıjeleri joq», - dedi komıtetten.