Bankrot dep tanylǵan tulǵalardyń naqty bir qyzmetpen aınalysýyna tyıym salyna ma

NUR-SULTAN. QazAqparat – Bankrot dep tanylǵan tulǵalardyń naqty bir qyzmettermen aınalysýyna tyıym salyna ma? Bul saýalǵa QR Qarjy birinshi vıtse-mınıstri Marat Sultanǵazıev jaýap berdi, dep habarlaıdy QazAqparat tilshisi.

«Bastapqyda zań jobasynda biz bul máseleni talqylaǵan edik. Jekelegen qyzmet túrimen aınalysýǵa, aıtalyq notarıýs nemese advokat bolýǵa, zańdy tulǵa qurýǵa shekteý usynylǵan-dy. Zańnyń sońǵy jobasynda mundaı shekteýler joq», - dedi ol ortalyq kommýnıkatsııalar qyzmetindegi brıfıng barysynda BAQ ókilderiniń saýalyna oraı.

Birinshi vıtse-mınıstrdiń atap ótýinshe, bul zań jobasy azamattardyń tólem qabiletin qalpyna keltirýi jáne belsendi ekonomıkalyq ómirdi bastaýy úshin ázirlenip otyr.

«Sol sebepti shekteý qoımaımyz. Biraq, jekelegen sarapshylar tarapynan bankrot bolǵan tulǵalarǵa memlekettik qyzmetpen aınalysýǵa, qarjy mekemelerinde qandaı da laýazymda qyzmet etýge tyıym salýǵa qatysty usynystar bar. Bul máseleler áli talqylanady», - dedi Marat Sultanǵazıev.