Bankrot dep tanylǵan jeke tulǵalardyń jalpy qaryzy 16,7 mlrd teńgeden asady

ASTANA. KAZINFORM – Memlekettik kirister komıteti 16,7 mlrd teńgeden astam qaryzy bar qazaqstandyqtardyń «bankrot» dep tanylǵany málimdeldi.

Memlekettik kirister komıtetiniń deregine súıensek, búginde 8 986 azamat «bankrot» dep tanyldy. Olardyń jalpy qaryzy - 16,7 mlrd teńgeden astam.

«Azamattar ózin bankrot dep tanýǵa ótinishti E-gov, E-gov Mobile jáne E-Salyq Azamat qosymshasy arqyly jibere alady. Túsken ótinishter 22-den astam memlekettik organdar jáne uıymdardyń bazalary arqyly jáne 11 ekinshi deńgeıdegi banktermen ıntegratsııalaý jolymen óńdelip, tekseriledi», - dedi Qarjy mınıstrligi Memlekettik kirister komıteti tóraǵasynyń orynbasary Qaırat Mııatov OKQ-de ótken brıfıngide.

Eske sala keteıik, 2023 jyly 3 naýryzda elimizde bankrottyqqa ótinim qabyldaý bastaldy.

Atalǵan protsess týraly tolyǵyraq osy siltemede tanysýǵa bolady.

Aıta ketsek, taıaýda nebary 2 978 teńge qaryzy bar qazaqstandyqtyń bankrot dep jarııalanǵany týraly habarlaǵan edik. Keıin ol jaǵdaıǵa túsinik berildi.