Bankrot dep tanylǵan qazaqstandyqtardyń 120 mlrd teńge qaryzy keshirilgen

ASTANA. KAZINFORM – Ózin bankrot dep jarııalaǵysy kelgen 200 myńnan astam adamnyń 145 myńynyń ótinishi keri qaıtarylǵan. Bul týraly Ortalyq kommýnıkatsııalar qyzmetinde ótken baspasóz máslıhatynda aıtyldy.

— Jeke tulǵalardy bankrot dep taný qyzmeti iske qosylǵannan beri jalpy somasy qansha teńgeniń qaryzy keshirildi, — dep surady jýrnalıst Memlekettik kirister komıteti tóraǵasynyń orynbasary Seıiljan Ahmetovten.

Komıtet ókiliniń aıtýynsha, búginge deıin 22 myńnan astam qazaqstandyq bankrottyq rásimdegen.

— Búgingi tańda jeke tulǵalardan ózin bankrot dep taný týraly 200 myńnan astam ótinish tústi. Olardyń 22 600-y bankrot dep tanyldy, 120 mlrd teńgeniń qaryzy keshirildi. 145 myń azamattyń ótinishi keri qaıtaryldy, — dedi Seıiljan Ahmetov.

Buǵan deıin Atyraý oblysynda jyl basynan beri 252 dármensiz boryshker bankrot dep tanylǵanyn jazǵan edik. Sondaı-aq jyl basynan beri 37,7 myń qazaqstandyq baknrot dep tanylǵan.