Bankrot dep tanylatyn adamdar sany birshama ósýi múmkin - Memkiris komıteti

ASTANA. KAZINFORM – Bıyl bankrottyq boıynsha ótinish beretinder sany artýy múmkin. Bul týraly Qarjy mınıstrligi Memlekettik kirister komıteti tóraǵasynyń orynbasary Qaırat Mııatov aıtty.

«Saıt arqyly kúnine neshe adam bankrottyqqa ótinish berip jatqanyn kórýge bolady. Keshe ǵana jasaǵan taldaý barysynda kúnine 120-130 ótinish kelip túsip jatqanyn baıqadyq. Ár ótinishke monıtorıng jasalady. Tıisti talaptarǵa sáıkes bolsa, onda ótnishter avtomatty túrde bankrottyqqa ótedi», - dedi Q. Mııatov Senatta tilshiler suraǵyna jaýap bere otyryp.

Onyń aıtýynsha, azamattardyń basym bóliginde qaryz somasy boıynsha sáıkestik bolmaǵan jáne qaryzdy tólemeý merzimi 12 aıdan aspaǵan.

«Bıyldan bastap ótinishter sany artýy múmkin, sebebi AEK somasy ósti. Sonymen qatar, banrottyq talaptaryna jeńildik beretin usynystardy engizdik. Eger osy usynystarǵa qoldaý jasalsa, bankrottyq rásimine qatysatyn adamdar sany da artady. Biraq aıtarlyqtaı kóp bolady dep sanamaımyn», - dedi Memlekettik kirister komıteti tóraǵasynyń orynbasary.

Budan buryn habarlanǵandaı, qazir 9 841 adam bankrot dep tanylǵan jáne olardyń qaryz somasy 20 mlrd teńgege jýyqtady.

Atap aıtqanda, 2023 jyly 3 naýryzdan bankrottyqqa ótinim qabyldaý bastalady.