Bankrot bolý qaryzdy tólemeý emes, tek sharasyz jaǵdaıdaǵy kómek – Álıhan Smaıylov

ASTANA. QazAqparat – Premer-mınıstri Álıhan Smaıylov ózin bankrot dep jarııalaýǵa nıetti qazaqstandyqtarǵa úndeý jarııalady, dep habarlaıdy QazAqparat tilshisi.

«Bıyl naýryzda azamattardyń tólem qabilettiligin qalpyna keltirý jáne bankrottyq týraly» zań qoldanysqa enedi. Bul qujat kredıtin tóleı almaı, qıyndyqqa tap bolǵan jeke tulǵalardyń quqyqtaryn qorǵaýǵa baǵyttalǵan. Zańda rásimderdiń úsh túri qarastyrylǵan ıaǵnı sottan tys bankrottyq, sot arqyly bankrottyq jáne tólem qabilettiligin qalpyna keltirý. Mundaı rásimderge qaryz alýshynyń ózi ǵana bastamashy bola alady. Azamattardyń mindetti túrde qarjylyq saýattylyqty arttyrý kýrstarynan ótýi kózdelip otyr», - dedi Álıhan Smaıylov Úkimet otyrysynda.

Premer-mınıstrdiń málimdeýinshe, bankrottyqqa qatysty sharalar azamattardyń tólem qabilettiligin qalpyna keltirýge jáne boryshtyq júktemeni azaıtýǵa múmkindik beredi.

«Zań kúshine engennen keıin azamattardyń da jaýapkershiligi artatyn bolady. Aldaǵy ýaqytta jyldam qaryz alý úshin kredıttik tarıhynyń durys bolýyna azamattardyń ózderi múddeli bolýy tıis. Bankrot dep moıyndaý qaryzdardy tólemeı ketý emes, tek sharasyz jaǵdaıdaǵy kómek ekenin árkim bilýi kerek»,- deıdi Úkimet basshysy.