«Bankırdi ur» oıyny Brıtanııany baǵyndyrýda
ASTANA. Jeltoqsannyń 15-i. QazAqparat - Bıylǵy maýsymda Brıtanııada «álemdik qarjy daǵdarysyna kináli» bankırlerdi beıneleıtin plastmassa qýyrshaqtardan bar ashýdy alýǵa múmkindik beretin ónertapqysh Tım Hankınniń jańa oıyny keń tanylyp otyr,
dep habarlaıdy VVS telekompanııasy.
Brıtandyq oılap tapqan oıyn qarapaıym ǵana, biraq retsessııaǵa belshesinen batqan Birikken Koroldik turǵyndaryna qatty unaǵany sonshalyq, ol maýsymnyń hıtyna aınalyp otyr.
«Bankırdi ur» (Whack a Banker") atalatyn oıyn belgili bir ýaqyttyń ishinde tesikterden shyǵatyn bankırlerdiń bastarynan arnaıy balǵamen urýdy usynady.
«Men jańa balǵalar jasap úlgermeı jatyrmyn. Bankırlerdiń bári birdeı, bári taqyrbas. Adamdar bankırlerdi solaı elestetetin sııaqty», deıdi T.Hankın.
30 sekýndtyń ishinde plastmassa bankırlerdiń bastarynan urý - 40 pens turady. Oıynnyń sońynda avtomat: «Siz jeńdińiz. Biz qyzmetten ketemiz. Bizdiń zeınetaqymyzdy tóleıtin salyq tóleýshilerge úlken rahmet», deıdi.
