Bank júıesindegi depozıtter 2,1 paıyzǵa ulǵaıdy – Ulttyq bank
NUR-SULTAN. QazAqparat – QR Ulttyq bankiniń tóraǵasy Erbolat Dosaev depozıtterdiń dollarlaný deńgeıi tómendep kele jatqanyn aıtty, dep habarlaıdy QazAqparat tilshisi.
«Jyl basynan beri bank júıesindegi depozıtter 22,5 tlrn teńgege deıin 2,1 paıyzǵa ulǵaıdy, onyń ishinde ulttyq valıýtada – 3,9 paıyzǵa nemese 14,4 tlrn teńgege deıin 535 mlrd teńgege. Shetel valıýtasynda 0,9 paıyzǵa nemese 8,2 tlrn teńgege deıin 77,5 mlrd teńgege azaıdy», - dedi UB basshysy Úkimet otyrysynda bıylǵy qańtar-naýryzda eldiń áleýmettik-ekonomıkalyq damý qarqynyn talqylaý kezinde.
Onyń aıtýynsha, depozıtterdiń dollarlaný deńgeıi 2021 jylǵy aqpanda 2013 jyldan bergi eń tómengi mán 36,2 paıyzǵa jetip, tómendeýdi jalǵastyrdy.
