Bank jeke tulǵanyń avtokóligin zańsyz kepildikte ustaǵan
ALMATY. QazAqparat- Almaty qalasynyń Bostandyq aýdandyq soty talapker E. Súıimbaevtyń «ForteBank» AQ-na, «Alternatıvtik qarjylar» AQ-na kepildi toqtatý jáne jyljymaly múliktiń aýyrtpalyqtaryn joıý týraly talap aryzyn qanaǵattandyrdy.
Bul týraly búgin Almaty qalalyq sotynyń baspasóz qyzmetinen habarlady.
E. Súıimbaev kezinde qarjylyq lızıng kelisimsharty negizinde «Alıans Lızıng» AQ arqyly «Toyota Prado » avtokóligin satyp alǵan.
Talapker lızıngtiń kelisimshart boıynsha mindettemeni tolyqtaı oryndaǵan jáne de 2007 jyldyń 23 tamyzynda «múliktiń tolyq ıegeri atandym» dep eseptep, qarjylyq lızıngtiń shartyn toqtatý týraly kelisimshartqa otyrady.
Al 2014 jyly avtokólikti satý kezinde ol avtokóliktiń áli de «Alıans Bank» AQ-ta kepilde turǵanyn bilgen.
«Alıans Lızıng» AQ-na habarlasqan kezde ol «Alternatıvtik qarjylar» AQ bolyp ózgergeni anyqtalǵan. Onyń talapkerge tıesili avtokóliktiń aýyrtpalyǵynan sheshý týraly jazbasha ótinishine «Alıans Bank» AQ jaýap berýden bas tartqan. Sóıtse, «Alternatıvtik qarjylar» AQ «Alıans Bank» AQ-ynyń aldyndaǵy óz mindettemelerin oryndamaǵan. Sonymen birge, «Alıans Bank» AQ «ForteBank» AQ -na qosylyp, quqyqtyq mırasqor bolyp bekitilgen.
Osylaısha, sot E. Súıimbaevtyń kepildi toqtatý jáne jyljymaly múliktiń aýyrtpalyqtaryn joıý týraly talap aryzyn tolyǵymen qanaǵattandyrdy.
Al Almaty qalalyq sotynyń apellıatsııalyq sot alqasy «ForteBank» AQ ókiliniń apellıatsııalyq shaǵymyn qanaǵattandyrǵan joq.
