Bank jáne mıkrokredıt uıymy qyzmetkerleriniń ústinen alaıaqtyqpen baılanysty 61 is tergelip jatyr

ASTANA. KAZINFORM — Bas prokýror Berik Asylov Májilis depýtatynyń saýalyna joldaǵan jaýapta bank qyzmetiniń alaıaqtyq áreketter aldyndaǵy osaldyǵyn azaıtý baǵytynda atqarylǵan jumystar týraly málimet bergen.

— Qarjy sektoryndaǵy zań buzý faktileri boıynsha bankter men mıkroqarjy uıymdarynyń qyzmetkerlerine qatysty, onyń ishinde alaıaqtyq (QK-niń 190-baby), ókilettikterdi teris paıdalaný (QK-niń 250-baby), sondaı-aq mindetterine adal qaramaý (QK-niń 254-baby)faktileri boıynsha 61 sotqa deıingi tergep-tekserý júrgizilip jatyr, — dep jazady Bas prokýror. 

Berik Asylov osyǵan uqsas jaǵdaılardy boldyrmaý úshin jyl basynan beri shaǵyn kredıt berý talaptary kúsheıtilgenin eske salady.

— Qazirgi tańda klıentti bıometrııalyq səıkestendirý jəne ETsQ quraldary bir mezgilde qoldanylǵan kezde ǵana shart jasasýǵa ruqsat etiledi. Al qaryz alýshynyń shotyna aqshalaı qarajat aýdarý klıentke onyń bank shotynyń nemese tólem kartasynyń tıesili ekenin anyqtaǵannan keıin júzege asyrylady, — dep jazylǵan jaýapta.

Eske salsaq, naýryz aıynda Almaty oblysynda 600 mln teńgege alaıaqtyq jasaǵan dropperler toby ustalǵan bolatyn.