Bank tólemdi azaıtýdan bas tartsa, qaryz alýshylar ne isteýi kerek
ASTANA. KAZINFORM — Táýelsiz bank salasy jónindegi sarapshy Nurjan Bııaqaev birneshe bankten kredıt tólemin óteýde qıyndyqqa tap bolǵan qaryz alýshylarǵa keńes berdi.
Jibek Joly arnasyndaǵy efırde ol bank bir nemese eki ret qaryzdy qaıta qaraý jasaǵan bolsa, ony «sáttilik» dep sanaýǵa bolatynyn aıtty. Degenmen qarjy uıymdary mundaı jaǵdaıda merzimin durys esepteýi tıis.
Sarapshynyń aıtýynsha, eger qaryz alýshy bank áreketiniń zańdylyǵyna kúmándansa, eki joly bar: resmı saıt arqyly banktik ombýdsmenge júginý nemese Qarjy naryǵyn retteý jáne damytý agenttigine shaǵymdaný.
Nurjan Bııaqaev sondaı-aq qaryzdy qaıta qaraý kezinde saqtandyrý somasynyń nesıege qosylatynyna nazar aýdardy.
«Saqtandyrýdy bankter nesıe bergen sátte usynady nemese májbúrleıdi. Bul – qalypty tájirıbe, biraq artyq tólem jasamaý úshin sharttardy muqııat tekserý kerek», – dedi ol.
Sarapshy aldaǵy ýaqytta kúshine enetin jańa ózgeristerge de toqtaldy. Oǵan sáıkes, bankter tabysy sońǵy 12 aıda keminde 30 paıyzǵa azaıǵan qaryz alýshylarǵa úsh aıdan kem emes merzimge tólemdi keıinge shegerýge mindettelmek.
«Másele týyndaı salysymen bankke jazbasha ótinish jasaýǵa tolyq quqyǵyńyz bar», – dep túıindedi Bııaqaev.
Aıta keteıik, Qazaqstanda bankterdi memlekettik qoldaýǵa shekteý engizilmek.