Bank sektorynyń kásipkerlerine AQSh sanktsııalary sheńberinde is júrgizý erekshelikteri túsindirildi
NUR-SULTAN. QazAqparat - Amerıkalyq dıplomattar Qazaqstannyń bank sektorynyń kásipkerleri men ókilderine AQSh engizgen sanktsııalar sheńberinde bıznes júrgizý erekshelikteri týraly túsindirdi, dep habarlaıdy QR SІM baspasóz qyzmeti.
«QR SІM jáne AQSh-tyń QR-daǵy Elshiligi «Atameken» Ulttyq kásipkerler palatasynyń qoldaýymen Qazaqstannyń bank sektorynyń kásipkerleri men ókilderine, sondaı-aq Qazaqstanda fılıaldary bar sheteldik kompanııalarǵa sanktsııa máselesi jóninde kezekti qazaqstandyq-amerıkalyq onlaın-konsýltatsııa uıymdastyrdy.
Іs-sharanyń negizgi maqsaty qazaqstandyq bıznes pen ekinshi deńgeıli bankterge AQSh sanktsııalarynyń kútpegen yqpalyn azaıtý, sondaı-aq syrtqy saýdaǵa keri áserin azaıtý» delingen habarlamada.
Sondaı-aq, Amerıkalyq dıplomattar AQSh engizgen sanktsııalar, shekteýler rejımi sheńberinde bıznes júrgizý jáne tranzaktsııalar jasaýdyń erekshelikteri týraly egjeı-tegjeıli túsindirgen.
Taraptar qazaqstandyq ekonomıkaǵa sanktsııalardyń yqpalyn azaıtý maqsatynda yntymaqtastyqty odan ári jalǵastyrýǵa kelisti.
