Bank salymshylary úshin táýekelder joq – Mádına Ábilqasymova

NUR-SULTAN. QazAqparat - Qazaqstan Respýblıkasynyń Qarjy naryǵyn retteý jáne damytý agenttiginiń tóraǵasy Mádına Ábilqasymova Qazaqstannyń qarjy júıesiniń turaqtylyǵyn qamtamasyz etý baǵytynda qandaı sharalar qolǵa alynyp jatqanyn aıtyp berdi, dep habarlaıdy QazAqparat tilshisi.

«Qazirgi ýaqytta Qazaqstannyń qarjy júıesindegi jaǵdaı turaqty. Shoǵyrlandyrylǵan negizde ekinshi deńgeıli bankterdiń úzdiksiz qyzmetin qamtamasyz etý jáne banktik qyzmetterdiń tolyq tizbesin kórsetý úshin menshikti kapıtaly men ótimdiliginiń edáýir qory bar. Bankterdiń salymshylary úshin táýekelder joq. Aktıvter sapasyn táýelsiz baǵalaý nátıjeleri boıynsha retteýshilik mınımýmǵa qatysty K1 kapıtalynyń jetkiliktiliginiń asyp ketýi túzetýlerdi eskergende 70 paıyzdy quraıdy», - dedi agenttik tóraǵasy Úkimet otyrysynda.

Onyń aıtýynsha agenttik bankterdiń taýar jáne qarjy naryqtarynda áleýmettik kúızelisterge ornyqtylyǵyn anyqtaý úshin júıeli deńgeıde jumys júrgizýde.

«Osy jyldyń 30 naýryzyna deıin aktıvterdiń sapasyn táýelsiz baǵalaý nátıjeleri boıynsha bankterdi túzetý is-qımyl josparlary qabyldanady. Bul rette ózgergen ekonomıkalyq jaǵdaılardy eskere otyryp, 2020 jyldyń 1 qazanyna deıin provızııalardy esepteý tásilderin kúsheıtetin birqatar retteý sharasyn engizý keıinge qaldyrylady», - dedi ol.