Bank RBK memleketten alǵan qaryzyn merziminen buryn ishinara ótedi
Bank 2017-2018 jyldary atalǵan baǵdarlama sheńberinde óteý merzimi 2032 jylǵy qarashada bastalatyn rettelgen oblıgatsııalardy shyǵarý jáne ornalastyrý jolymen qarajat tartqan edi.
Esterińizge sala keteıik, baǵdarlama qarajatyn memleketke merziminen buryn qaıtarý týraly sheshimdi bank aktsıonerleri 2022 jylǵy qarjy-sharýashylyq qyzmetiniń qorytyndylary boıynsha aktsıonerlerdiń jyldyq jalpy jınalysynda qabyldaǵan bolatyn.
29 maýsymda bank shamamen 13 mlrd teńge somaǵa rettelgen oblıgatsııalardy satyp alý jolymen birinshi transhty jiberdi.
Sonymen qatar, bank qaryz boıynsha 312 mln teńge kóleminde kezekti kýpondyq syıaqy tóledi.
Osylaısha, 2017 jyldan bastap qazirgi ýaqytqa deıin bank alynǵan qarajat boıynsha 49 mlrd teńgeden astam kólemde kýpondyq syıaqy tóledi.
«Bank RBK aktsıonerleri memleketten alynǵan aqshany merziminen buryn qaıtarýdy bastaý týraly sheshim qabyldady, óıtkeni banktiń turaqty jaǵdaıy bizge óz resýrstarymyzǵa jáne naryqtyq qorlandyrýǵa súıene otyryp, turaqty ósýge jáne oń qarjylyq nátıjeler jasaýǵa múmkindik beredi. Bul tásildi memleket pen jeke sektor arasyndaǵy jaýapty áriptestiktiń úlgisi dep sanaımyz. Aldaǵy jyldary da osy tájirıbeni jalǵastyrýdy josparlap otyrmyz, odan ári óteý kólemi Bank qyzmetiniń nátıjelerine baılanysty bolady», - dep, qabyldanǵan sheshimge Bank RBK basqarma tóraıymy Natalıa Akenteva túsinikteme berdi.
