Bank of America: Eki aıdan keıin munaıdyń álemdik baǵasy $40-dan tómendeıdi
ASTANA. QazAqparat - Dúısenbi kúni, 16 aqpanda munaı baǵasy taǵy tómendeı bastady. Bul týraly Reuters habarlady.
Osylaısha, sáýir fıýchersterinde Brent markili munaıdyń bir barreli 0,31%-ǵa, 61,33 dollarǵa deıin arzandady. Naýryz aıynda jetkiziletin WTI markili munaıdyń barreliniń quny 0,21%, 52,67 dollarǵa deıin tómendedi.
Bank of America Merrill Lynch sarapshylarynyń pikirinshe, aldaǵy eki aıda munaıdyń álemdik quny arzandap, bir barreli shamamen 40 dollardan tómen baǵaǵa satylady.
Munaıdyń álemdik baǵasy ótken jyldyń jazynan 50%-ǵa deıin tómendedi. Sarapshylar muny naryqtaǵy usynystyń kóbeıýimen baılanystyrady.
